EDUBIB Search for 'su:"Warner Bros. Pictures"' with limit(s): '(homebranch:LED014) AND (hidelostitems)'

Harry Potter y prisionero de Azkaban; Harry Potter and the Prisoner of Azkaban , : Año 3, / Alfonso Cuarón ; Daniel Radcliffe ; Rupert Grint ; Emma Watson ; Gary Oldman ; Maggie Smith ; Kenneth Branagh ; David Heyman

By Alfonso Cuarón. Madrid :Warner Bros. Pictures 2010 . 1 disco (DVD-Vídeo) (filme: 142 min.) , "HARRY POTTER Y EL PRISIONERO DE AZKABAN": En galego "Harry Potter e o preso de Azkaban" é a terceira novela da saga Harry Potter escrita por J. K. Rowling e que ten como protagonista a Harry Potter, un mozo meigo. O trama do libro céntrase no terceiro ano de Harry na Escola Hogwarts de Maxia e Feiticería e na fuxida dun perigoso asasino, Sirius Black, escapado do cárcere de Azkaban, e que semella estar disposto a atopar e matar a Harry. Este é o único libro da serie que non trata directamente de Lord Voldemort, pola contra, profunda máis na historia dos pais de Harry e dos amigos que tiveron na infancia. O libro saíu á venda o 8 de xullo de 1999 publicado por Bloomsbury no Reino Unido e no ano 2004 en Galicia pola Editorial Galaxia coa tradución de Eva Almazán. A novela gañou o premio Whitbread Book e o premio Bram Stoker, ambos en 1999, e o premio Locus en 2000. A versión cinematográfica do libro, dirixida polo mexicano Alfonso Cuarón, estreouse en 2004. SINOPSE: Harry Potter e os seus amigos Ron Weasley e Hermione Granger volven á Escola Hogwarts de Maxia e Feiticería e atopan que a seguridade do colexio incrementou debido á fuxida de Sirius Black do cárcere de Azkaban. O castelo está protexido polos Dementores, seres sinistros que desposúen da felicidade a calquera que estea preto deles, ademais de seren os gardiáns de Azkaban. O novo profesor de Defensa contra a Maxia Negra, Remus Lupin, cóntalle a Harry que é máis vulnerable aos Dementores polos horrores que viviu no pasado. O profesor acepta ensinarlle a Harry o Esconxuro Patronus, un escudo contra os Dementores. Black consegue entrar no castelo dúas veces, pero é incapaz de chegar ata Harry. Entrementres, Fred e George Weasley danlle a Harry o Mapa do Tunante. Ron descobre que Scabbers, a súa rata, desaparecera e pensa que o gato de Hermione Crookshanks o comera. Máis adiante, Hermione dá con Scabbers na choupana de Hagrid. Cando os tres están de volta, Ron é atacado por un can negro e arrastrado ata unha pasaxe debaixo do Salgueiro Zoscón. Harry e Hermione reciben un forte golpe do Salgueiro Zoscón antes de poderen entrar na pasaxe. Harry e Hermione seguen os sons dos berros de Ron e van dar a unha vella casa de madeira coñecida como a Choupana Chiona. Tamén descobren que o can é Sirius Black, que é un animeigo. Cando Harry intenta atacar a Black aparece Lupin. Hermione fala con Lupin sobre os hábitos que observou durante as clases con el. Di que imaxinara que o profesor Lupin era un lobishome despois de facer un traballo para o profesor Snape; Lupin acaba por admitilo. Tamén explica que el, Black, Pettigrew e James Potter, eran grandes amigos e crearan o Mapa do Tunante. Para que Lupin levase mellor as transformacións, os seus amigos convertéronse en animeigos, meigos que poden adoptar forma animal ao seu parecer. Os Tunantes seguiron sendo amigos unha vez medraron, pero cando souberon que Voldemort ía tras os Potter, Black fíxose o seu gardián. Porén, Black revela que cambiara en segredo esta obriga con Pettigrew para servir de atracción. Black sentenza que Pettigrew é un traidor e que el non o matara, senón que se transformara en Scabbers. Snape aparece e ameaza a Lupin e Black coa súa variña. Non obstante, Harry, Hermione e Ron atacan a Snape, que permite a Lupin e Black colleren a Scabbers e devolvelo á forma de Pettigrew. Pettigrew admite a historia, pero Harry detén a Black e Lupin antes de que o maten. Deste modo, Harry persuádeos para que o leven a Hogwarts e así limpar o nome de Sirius. Porén, na súa volta ao castelo, aparece a lúa nova e Lupin transfórmase en lobishome. Pettigrew volve á súa forma de rata e escapa mentres Lupin perde o control ao se converter en lobo. Lupin deixa inconsciente a Black e está a piques de atacar a Harry cando escoita un chío estraño que o alerta e afasta de Harry. Harry atopa a Sirius inconsciente tirado ao carón dun estanque, onde os Dementores case o matan. Ambos son salvados no último momento por unha figura que emprega o Esconxuro Patronus; finalmente, Harry desmáiase. Harry acorda no castelo e descobre que Black fora capturado. Para salvalo, Harry e Hermione volven atrás no tempo, coa axuda dun viratempo, para evitar a súa detención. Os dous mozos reviven os feitos desa noite ata o momento en que os Dementores atacan a Harry e Sirius. Harry decátase de que fora el mesmo quen enviara o Patronus. Conseguen rescatar a Sirius; mentres tanto Lupin, debido á súa condición de lobishome, renuncia ao cargo de profesor de Defensa conta a Maxia Negra. Entrementres, Harry está preocupado porque pensa que Pettigrew pode axudar a que Voldemort regrese, pero Dumbledore contesta que debe estar agradecido por ter axudado a salvar a vida de Pettigrew ;12cm.

Harry Potter y el cáliz de fuego , : Harry Potter and the Goblet of Fire, / Mike Newell ; Daniel Radcliffe ; Rupert Grint ; Emma Watson ; Robert Pattinson ; Maggie Smith ; Michael Gambon ; Brendan Gleeson ; Clémence Poésy

By Mike Newell. Madrid :Warner Bros. Pictures 2010 . 1 disco (DVD-Vídeo) (filme: 151 min.) , "HARRY POTTER Y EL CÁLIZ DE FUEGO": En galego "Harry Potter e o Cáliz de fogo" é unha película de fantasía dirixida por Mike Newell e baseada na novela homónima escrita por J. K. Rowling. É o cuarto filme da serie de filmes de Harry Potter. Foi escrito por Steve Kloves e producido por David Heyman. A historia céntrase no cuarto ano de Harry Potter na Escola Hogwarts de Maxia e Feiticería, durante o que é escollido polo Cáliz de fogo para competir no Torneo Tres Meigos, unha competición moi perigosa. A película está protagonizada por Daniel Radcliffe como Harry Potter, con Rupert Grint e Emma Watson como os mellores amigos de Harry, Ron Weasley e Hermione Granger. O resto do reparto inclúe a Brendan Gleeson, Robert Pattinson, Clémence Poésy, Stanislav Ianevski e Ralph Fiennes. O filme tivo a súa estrea no Reino Unido e os Estados Unidos o 18 de novembro de 2005. A recadación nas salas internacionais ascende a 895,9 millóns de dólares estadounidenses. Recibiu unha candidatura aos Premios Oscar pola Oscar á mellor dirección artística, que finalmente gañou Memoirs of a Geisha. Non obstante, o filme gañou o premio BAFTA ao mellor deseño de produción. O Cáliz de fogo foi o segundo filme en proxectarse en salas IMAX e é un dos que recibiu mellores críticas debido á madurez e sofisticación dos personaxes, o ton máis escuro e complexo da liña argumental e as actuacións do reparto principal. SINOPSE: Durante o cuarto ano, a Marca Escura aparece no ceo despois dun ataque feito por parte dos Devoradores da Morte na Copa do Mundo de Quidditch. Iniciado o curso en Hogwarts, Harry pasa as noites sufrindo pesadelos. Ademais, este ano a escola é a anfitrioa dun lendario evento: o Torneo Tres Meigos. Tres escolas europeas participan na competición, con tres "campións" que as representan nas probas. O Cáliz de fogo elixe a Fleur Delacour, Viktor Krum e Cedric Diggory para que compitan entre eles. Non obstante, o nome de Harry tamén sae to obxecto máxico, converténdoo no cuarto campión e obrigándoo a participar tamén. O Torneo remata cun encontro entre Harry e un renacido Voldemort que consegue recuperar a súa forma corpórea ;12cm.

Harry Potter y la cámara secreta , : Año 2, / Chris Columbus ; Daniel Radcliffe ; Rupert Grint ; Emma Watson ; Richard Harris ; Maggie Smith ; Kenneth Branagh ; David Heyman

By Chris Columbus. Madrid :Warner Bros. Pictures 2001 . 1 disco (DVD-Vídeo) (filme: 161 min.) , "HARRY POTTER Y CÁMARA SECRETA": En galego "Harry Potter e a Cámara dos Segredos" é unha película de fantasía dirixida por Chris Columbus e baseada na novela homónima escrita por J. K. Rowling. É o segundo filme da serie de filmes de Harry Potter. Foi escrito por Steve Kloves e producido por David Heyman. A historia céntrase no segundo ano de Harry Potter na Escola Hogwarts de Maxia e Feiticería, durante o que o herdeiro de Salazar Slytherin reabre a Cámara dos Segredos para liberar un monstro que petrifica os alumnos do castelo. A película está protagonizada por Daniel Radcliffe como Harry Potter, con Rupert Grint e Emma Watson como os mellores amigos de Harry, Ron Weasley e Hermione Granger. O resto do reparto inclúe a Richard Harris, Kenneth Branagh, Jason Isaacs, Christian Coulson e Robbie Coltrane. O filme tivo a súa estrea no Reino Unido e os Estados Unidos o 15 de novembro de 2002. A recadación nas salas internacionais ascende a 879 millóns de dólares estadounidense. Recibiu tres candidaturas aos Premios BAFTA en 2003. SINOPSE: Harry, Ron e Hermione regresan a Hogwarts para cursar o seu segundo ano. Axiña aparece unha mensaxe nunha das paredes do castelo informando de que a Cámara dos Segredos fora aberta polo herdeiro de Slytherin. Asemade, varios estudantes, fillos de muggles, aparecen petrificados por causa do monstro que habitaba a Cámara. Harry descobre que pode falar a lingua pársel e as propiedades dun misterioso diario pertencente a Tom Riddle ;12cm.

Harry Potter y las Reliquias de la Muerte - Parte I , : Harry Potter and the Deathly Hallows: Part I, / David Yates ; Daniel Radcliffe ; Rupert Grint ; Emma Watson ; Jim Broadbent ; Alan Rickman ; Maggie Smith ; Bill Nighy ; Robbie Coltrane

By David Yates. Madrid :Warner Bros. Pictures 2012 . 1 disco (DVD-Vídeo) (filme: 146 min.) , "HARRY POTTER Y LAS RELIQUIAS DE LA MUERTE - PARTE I": En galego "Harry Potter e as reliquias da morte - Parte I" é unha película de fantasía e drama dirixida por David Yates e a primeira das dúas baseadas na novela homónima escrita por J. K. Rowling. É o sétimo filme da serie de filmes de Harry Potter. Foi escrito por Steve Kloves e producido por David Heyman, David Barron e Rowling. A historia céntrase na busca que emprende Harry Potter co obxectivo de atopar e destruír os Horcrux que proporcionan inmortalidade a Lord Voldemort. A película está protagonizada por Daniel Radcliffe como Harry Potter, con Rupert Grint e Emma Watson como os mellores amigos de Harry, Ron Weasley e Hermione Granger. O resto do reparto inclúe a Ralph Fiennes, Helena Bonham Carter e Alan Rickman. O filme tivo a súa estrea en todo o mundo en cines 2D e IMAX o 19 de novembro de 2010. A produción do filme comezou o 19 de febreiro de 2009 e rematou o 12 de xuño de 2010. Durante a fin de semana despois da súa estrea, esta primeira parte recadou 330 millóns de dórales, a máis alta do ano 2010. A recadación nas salas internacionais ascende a 954,5 millóns de dólares estadounidenses, converténdoa na terceira película con maiores recadacións de 2010 detrás de Toy Story 3 e Alice in Wonderland. SINOPSE: Despois dos acontecementos ao final do ano anterior Harry, Ron e Hermione van á procura e destrución dos Horcrux que proporcionan inmortalidade a Lord Voldemort. Suponse que é o seu sétimo e último ano de estudos en Hogwarts, pero a desorde no Ministerio de Maxia e o alzamento no poder do Señor Escuro evitan a súa asistencia. Os tres amigos emprenden un camiño que os levará a loitar contra os Devoradores da Morte e a descubrir os poderes das reliquias da morte. Asemade, a conexión entre Harry e a mente de Voldemort faise máis forte ;12cm.

Harry Potter y las Reliquias de la Muerte - Parte II , : Harry Potter and the Deathly Hallows - Part II, / David Yates ; Daniel Radcliffe ; Rupert Grint ; Emma Watson ; Jim Broadbent ; Alan Rickman ; Maggie Smith ; Bill Nighy ; Robbie Coltrane

By David Yates. Madrid :Warner Bros. Pictures 2012 . 1 disco (DVD-Vídeo) (filme: 131 min.) , "HARRY POTTER Y LAS RELIQUIAS DE LA MUERTE - PARTE II": En galego "Harry Potter e as reliquias da morte - Parte II" é unha película de fantasía e drama dirixida por David Yates e a segunda das dúas baseadas na novela homónima escrita por J. K. Rowling. É o oitavo e último filme da serie de filmes de Harry Potter. Foi escrito por Steve Kloves e producido por David Heyman, David Barron e Rowling. A historia céntrase na busca que emprende Harry Potter co obxectivo de atopar e destruír os restantes Horcrux creados por Lord Voldemort. A película está protagonizada por Daniel Radcliffe como Harry Potter, con Rupert Grint e Emma Watson como os mellores amigos de Harry, Ron Weasley e Hermione Granger. O resto do reparto inclúe a Ralph Fiennes, Michael Gambon, Alan Rickman, Helena Bonham Carter e Maggie Smith. O filme tivo a súa estrea en cines 3D, así como tamén en formatos 2D e IMAX, o 15 de xullo de 2010. A produción do filme comezou o 19 de febreiro de 2009 e rematou o 12 de xuño de 2010; o 21 de decembro de 2010 fixéronse regravacións que puxeron fin a dez anos de rodaxe da saga. SINOPSE: O final chegou. Harry, Hermione e Ron terán que recuperar a espada de Gryffindor para encontrar e destruír os últimos horrocruxes. Mentres tanto, Lord Voldemort está a punto de apoderarse por completo de Hogwarts e de conseguir o seu obxectivo: matar a Harry Potter. A única esperanza de Harry é encontrar os horrocruxes antes de que Voldemort o encontre a el. Buscando pistas, descobre unha antiga e esquecida historia: a lenda das reliquias da morte, que podería dar ao malvado Lord o poder definitivo. Pero o futuro de Harry está escrito dende que naceu e inclúe unha misión para a que se estivo a preparar dende que chegou a Hogwarts: a batalla final contra Voldemort. Así, despois de destruír un Horcrux e descubrir o significado das tres reliquias da morte, Harry, Ron e Hermione continúan na procura dos Horcrux restantes para intentar acabar con Voldemort. Non obstante, o Señor Escuro obtén a Variña de Bieiteiro e pretende completar o seu último paso para alcanzar o poder absoluto e lanza un ataque contra Hogwarts. A escola máxica será o lugar onde se desenvolva a batalla final na que as forzas do mal ameazan con dominar os mundos máxico e muggle ;12cm.