Esta é a historia de Karen Reyes, unha peculiar nena de dez anos que vive na escura Chicago de finais dos sesenta. Leva un diario gráfico que reflicte a súa paixón polas películas de terror de serie B e a iconografía das revistas pulp de monstros. Retrátase a si mesma como un nena-lobo vestida de detective e, como tal, proponse un día resolver o misterio que rodea ao asasinato da súa bela e enigmática veciña do piso de arriba, Anka Silverberg, unha sobrevivente do Holocausto.
Mentres Karen investiga o crime, veremos pasar as vidas fascinantes e interconectadas de todos os que a rodean: o seu irmán Deeze, cuxo alistamiento a Vietnam é inminente e a quen tortura un segredo do pasado; a súa nai Marvela, unha muller impredicible que sacou adiante a unha familia parcialmente disfuncional; Sam Silverberg, o Rápido, baterista de jazz recentemente enviudado; o Sr. Gronan, caseiro do edificio e mafioso a tempo parcial; Sylvia Gronan, esposa deste e coñecedora dos segredos da comunidade; o Sr. Chugg, un ventrílocuo de estrañas costumes; e o estraño e conmovedor catálogo de amigos de Karen, reais e irreais a partes iguais.
Cando as pescudas de Karen se ramifiquen ata chegar á Alemaña nazi, vai manifestarse claramente como poden converxer o persoal e o político, o pasado e o presente, e como mesmo o ben pode albergar unha porción do monstruoso.

Adultos/as

1º-2º BAC